أحنا أهل الصراحة - قصيدة من الشعر الشعبي يعاد نشرها
كتبهازهلولة ، في 24 يونيو 2008 الساعة: 15:01 م
اِحـــنه أهل الصراحه الما نخاف اللــوم
واِحنه أهـــل المجد والمــا نطخ للعـــار
لا بعـنه برخص ولارخص بينه السـوم
ولا مــوگد غضبنه فـــــارگ النـــــار
ما یغمض جفنه ولا ســکرنه اِبنــــــوم
من یــوم اللفتنه اِذیــــــاب الاستعـــمار
اصگور اِلنه الـتعلّی فــــوگ الغـــیوم
وأخـذ دهراب یــــوم الــحلّق اوطـــــار
وعیسی الــگال بطلی اِبچاچ یا یــــوم
رفع رایـــة مــجدنه اتـــقدّم او ســـــار
وبعد عــدنه شـــریف العنـّـز الـــگوم
یـــوم الصـاح حگنه وضهضب او ثــار
بالــفطره حـچینه امــعدّل و منظـــــوم
ونعزف عــل مشـــانـق حــلو الأشعــار
وبالتـــــاریخ حـــدهِّن سجـّلت یــــوم
وحتی الـموت بیهه امتحن واِحتــــار
عــرب اِحنه وسمـــانه امطرّز اِنجــوم
وعــزیمتنه قوّیـــه ونطــلب الثــــــار
عزیز احـــوازنه ابکل گـــلب مرســوم
هـــای أم الحضارة ونــــعم الدیـــــــار
اوهاي ارض العرب گبل الفـُرس والروم
اوهـاي أرض الـرسالة وأرض الأحــرار
امحـمره ما تضل تبچی بگلب ملچـوم
نفـــدیهه ابــعـمرنه ازغــــار واکــبار
ولایبـگه نخلنا امــدنگ او مهضــوم
ولا یبـگه وطــنّه ابــقبضة الـــجار
اتراب الـگاع عـدنـا ما یطیق البــوم
مــــا یقبل وجــوده حتی لـــو خطــار
ابـــعزم الله الـفجر هـــالبان معـلوم
یشع نـور الـوطن وانزیح الأشــــرار
****
دسامبر2005
ـــــــــــــــــــــــــــــــــــــــــــــــــــــــــ
التصنيفات : فيلم | السمات:فيلم
أرسل الإدراج | دوّن الإدراج
